واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح
.........
- حفصة عروس مسطولة قاعدة في الكوشة جنب عريسها قالوا ليها قومي
ارقصي قالت ابكر اليك الله أهجز لي الكرسي ده
...............
- مسطول مسك الجداد بتاعو في القفص دعك شديد بالمويه والشامبو .صاحبو شافو قال ليه مالك يازول مع الجداد...
قال ليه عاوزو يطلع بيض مقشر ....
.............
- اتنين مساطيل قاعدين في البيت بشربو في سجاره واحد فيهم امشي كل مره براحه براحه للتلاجه ويقوم يفتح الباب بتاعها بسرعه ويقفلو ....صاحبه لمن شاف -الموضوع كتر قال ليه يازول مالك جنيت وله شنو ؟
قام صاحبه قال ليه داير اشوف ود الحرام البولع النور جوه التلاجه...
............
- واحد مسطول بسقي في شجره حنه قدام بيتم
جاء واحد ساله دي حنه يامعلم ؟
قال ليه لا دخله.....
.............
- زول محشش قالو ليه الحشيش بؤدي الي الموت البطئ ...
قال ليهم انا زاتي ما مستعجل .....
.................
- مسطول بيسأل في مسطول تاني ( بالله عليك القميص دا ماشي مع البنطلون) رد عليه المسطول التاني :
و هو البنطلون ماشي وين ؟؟
............
- مسطول تاني قال ليهورأيك شنو في المراة (العصرية) ؟؟؟
قال ليهم لوطلعت بعد المغرب أحسن
............
- مسطول مشى هو وأمه وابوه عشان يخطبوا بت مرطبة شديد ..
لمن جاء الجماعة قالوا ليه ورينا الحصل شنو اوعى يكون حرجوك بس ؟؟؟؟
قال ليهم والله فيفتي فيفتي ...
قالوا كيف يعني
قال ليهم أنا وأبوي وأمي موافقين
وهي وأمها وأبوها ما موافقين...
...........
كفاية كدا ولا ازيدكم ..